Mahirap maglakad sa may labasan
May mga mapanuring tingin
Susukatin nila ang katauhan mo't kaluluwa.
Mapalad ka kung dadapo'y papuri
Na 'di matutulad sa mga hilig nilang dustain.
Matiwasay kang naglalakad
Ngunit sa kaalaman mo'y lingid
Binabato ka na pala ng mga panlalait.
At sa susunod pa na mga araw
Kanila kang ngingitian
Ikaw naman, kapagdaka'y magdadalawang-isip
Tunay nga ba o huwad lamang
Mga magagandang maskarang burak ang laman!
